Эцэг эхчүүд хайртай хүүхдэдээ шүд ургахад нь хазах, оюун ухаан хөгжүүлэх, машин, хүүхэлдэй гэх мэт олон төрлийн тоглоом авч өгдөг. Гэхдээ та авч өгсөн тоглоомуудаа хэр ойрхон угааж цэвэрлэдэг вэ

Хүүхэд ямар ч тоглоомыг ам руугаа хийж амтлах дуртай учраас заавал угаах шаардлагатай байдаг. Тухайн тоглоом гэрийн аль ч хэсэгт очсон байж болно. Угаалгын өрөө, үүдний өрөө, хогийн сав гэх мэт.

Хүүхэд чинь хөл хорионд ороод гэртээ байсан ч ханиад, өвчнөөс салахгүй байвал гол шалтгаан нь угааж цэвэрлээгүй тоглоом гэдэгт итгэлтэй байж болно. Учир нь ханиадыг үүсгэдэг 200 гаруй вирусын тал нь бохир тоглоомонд агуулагддаг.Тиймээс та бүхэнд хүүхдийн тоглоомыг хэрхэн цэвэрлэх тухай товчхон зөвлөгөөг хүргэе.

Хүүхдийн тоглоомыг сард 1 удаа цэвэрлэх хэрэгтэй ба эдгээр тохиолдолд заавал тухайн өдрийн хэрэглэсэн тоглоомыг цэвэрлэж заншаарай.

- Хүүхэд ханиад, вирусын гаралтай өвчин туссан бол

- Гэрт чинь бага насны өөр хүүхдүүд ирж хүүхэдтэй чинь хамт тоглосон бол

- Тоглоомон дээр хоол асгасны дараа

- Өөр хүүхэд, том хүн тоглоомыг амандаа хийсэн бол

- Гадны гуталтай явдаг тоос шороо ихтэй газар тоглоом унасан бол

Тоглоом цэвэрлэх хамгийн амархан арга бол савантай усанд угаах юм. Мөн та:

1. Хүүхэд чинь усанд тоглоомтой орсны дараа тоглоомуудын усыг нь заавал хуурай болгож хадгалаарай

2. Угаасны дараа цагаан цуу, ус хоёрыг тэнцүү хэмжээнд хольсон уусмалаар тоглоомыг шүршиж ариутгана.

3. Буцалсан халуун усанд тоглоомоо хийгээд 10 минут дүрж ариутгаж болно.

4. Чихмэл тоглоомуудыг угаалгын машинаар нунтаг бодисгүй угааж бас болно.

5. Хатуу, батерейтай тоглоомыг воктой усанд угаасан алчуураар сар бүр арч.

6. Хэрвээ хоол наалдсан байвал сойз ашиглан цэвэрлэ. Эсвэл ваннд хийгээд угааж болно.

7. Daiso брэндийн гадаргуу цэвэрлэгч шингэнээр бохирдсон хэсэг рүү шүршээд даавуун алчуураар цэвэрлэж ариутгаж болно.