''CICA'' буюу CENTELLA ASIATICA найрлагын тухай

2018 оноос эхлэн трэнд болоод байгаа нэгэн алдартай орц найрлага бол 'Cica' буюу Centella asiatica гэх ургамлын ханд юм.

Шархадсан бар шархаа эдгээх гэж Centella asiatica ургасан талбай дээр очиж шархадсан хэсгээрээ хөрвөөн шархаа эдгээдэг байсан учраас "Барын өвс" ч гэж нэрлэгддэг энэ ургамал нь гайхалтай нөхөн төлжүүлэх тайвшруулах үйлчилгээтэй.

Бидний сайн мэдэх Madecassol шархны тосны гол найрлага шүү дээ.

Тийм учраас батга гарамтгай, амархан улайдаг, эмзэг, мөн маск зүүсний улмаас арьсан дээр юм туурах загатнах хуурайших, өвлийн улиралд халуун хүйтэн харшсанаас болж эмзэгших, за мөн лазерт орсны дараах арьсны нөхөн төлжүүлэлт, Peeling хийлгэсний дараах нөхөн төлжүүлэлт гэх зэрэг арьсны асуудлыг хамгийн сайн үр дүнтэйгээр шийдэж өгдөг найрлага юм.

Ялангуяа манай орны өвлийн улиралд хэрэглэхэд хамгийн тохиромжтой найрлага гэж хэлж болно.

Cica найрлагатай маш сайн зохицож үр дүнг нь 2дахин нэмэгдүүлдэг дараах найрлагууд байдаг. Үүнд:

Panthenol (арьсны ханан бүрхүүл сэргээх, тайвшруулах найрлага)

Allantoin (тайвшруулах, нөхөн төлжүүлэх үйлчилгээтэй найрлага)

Hyaluronic acid ( гүн чийгшүүлэх үйлчилгээтэй найрлага)

Витамин С,А зэрэг хөгшрөлтийн эсрэг найрлагууд.

Мөн 5%аас дээш хувийн Cica агуулсан бүтээгдэхүүн арьсны ханан бүрхүүл(skin barrier)ийг сэргээж бэхжүүлдэг гэж үздэг.